रुग्णालयांची दर सहा महिन्यांनी सुरक्षा तपासणी! आगीचा धोका; अनेक ठिकाणी आढळल्या त्रुटी, अमरावती घटनेनंतर यंत्रणेला जाग

२०२१ मध्ये मुंबईतकेलेल्या तपासणीत शहरातील १,१७८ रुग्णालये आणि नर्सिंग होमपैकी ७६२ ठिकाणी अग्निसुरक्षा नियमांचे पालन होत नसल्याचे उघड झाले होते. यानंतर सर्वांना अग्निसुरक्षा मानकांचे पालन करण्याचे निर्देश देण्यात आले होते.मात्र, काही काळानंतर हे प्रकरण स्थगित करण्यात आले. तथापि, अमरावती येथील जिल्हा महिला रुग्णालयाच्या एनआयसीयूमध्ये लागलेल्या आगीत तीन नवजात बालकांचा मृत्यू झाल्याने शहरातील रुग्णालयांमधील अग्निसुरक्षेबाबत पुन्हा चिंता वाढली आहे. अमरावती घटनेमुळे जागे झालेल्या राज्य सरकारने मुंबईसह राज्यभरातील सर्व सरकारी, खाजगी आणि धर्मादाय रुग्णालयांची पन्हा तपासणी करण्याचे आदेश दिले आहेत.दर सहा महिन्यांनी अग्निसुरक्षेचा आढावा घेतला जाईल. पूर्वी केलेल्या तपासणीत अकार्यक्षम अग्निशमन यंत्रणा, फायर अलार्म, संप्रंकलर आणि स्मोक डिटेक्टर या सर्वात मोठ्या त्रुटी होत्या. अनेक ठिकाणी आगीच्या वेळी बाहेर पडण्याचे मार्गही बंद असल्याचे आढळून आले. त्यानंतर, नोव्हेंबर २०२१ पर्यंत शहरातील १,५७४ रुग्णालये आणि नर्सिंग होमच्या तपासणीत, ४४१ संस्थांमध्ये अपुरी अग्निसुरक्षा प्रणाली आढळून आली आहे.

अमरावतीच्या जिल्हा महिला रुग्णालयाच्या एनआयसीयूमध्ये २४ ऑगस्ट रोजी लागलेल्या आगीत तीन नवजात बालकांचा मृत्यू झाल्यानंतर, रुग्णालयातील अग्निसुरक्षा पुन्हा एकदा तपासणीखाली आली आहे. ही नवीन तपासणी केवळ एक औपचारिकता असेल की त्यातील त्रुटी दूर केल्या जातील, हे पाहणे बाकी आहे. आयसीयू आणि एनआयसीयूमधील अग्निसुरक्षेचा थेट परिणाम रुग्णांच्या जीवनावर होतो.

पीओपी मूर्तींसाठी विसर्जनानंतर स्वतंत्र शेड! पुनर्वापराचे पर्याय शोधण्यासाठी महानगरपालिकेची तयारी

मुंबईतील रुग्णालयांमधील आगीच्या प्रमुख घटना:

२०१९ – केईएम रुग्णालय : आयसीयूमध्ये आग, नवजात बालकाचा मृत्यू.
२०२० – एपेक्स रुग्णालय जनरेटरला आग.
२०२१ – सनराईज रुग्णालय भीषण आगीत ११ रुग्णांचा मृत्यू.
२०२२- वाडिया रुग्णालय आगीचा धूर आयसीयूपर्यंत पोहोचला, रुग्णांना सुरक्षित बाहेर काढले.
२०२५ जेजे रुग्णालय सीटी स्कॅन विभागात आग, उपकरणांचे नुकसान.
२०२५ नया रुग्णालय आगीचा धूर वॉर्डपर्यंत पोहोचला, जीवितहानी टळली.
२०२५ -भाटिया रुग्णालय सीटी-एमआरआय विभागात आग.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.