–सचिन इंगळे (प्रतिनिधी) अंजनगाव सुर्जी : इंजिनीअर सुयोग खाडे यांच्या संकल्पनेतून आयोजित ‘सुरमयी दिवाळी पहाट’ या सांस्कृतिक कार्यक्रमाने अंजनगाव सुर्जी नगरीत दिवाळीचा उत्साह द्विगुणित केला.
सकाळी ५.३० वाजता संत गाडगेबाबा मंदिर, गणेश नगर येथील संगई प्लॉट परिसरात आयोजित या सोहळ्यात भक्ती, संगीत आणि सुरांचा अद्भुत संगम अनुभवता आला. आरिष हाडके व संच, अमरावती यांच्या गायकीने उपस्थितांमध्ये मंत्रमुग्ध करणारे वातावरण निर्माण केले.
कार्यक्रमात अनेक राजकीय, सामाजिक आणि शैक्षणिक मान्यवर उपस्थित होते, ज्यात आमदार गजानन लवटे, ओबीसी जिल्हाध्यक्ष प्रविण पेटकर, विजयदादा बोके, सीमाताई बोके, संगिताताई तुरखडे, सारिकाताई मानकर, स्मिताताई लहाणे, राजु अकोटकर, विकास येवले, महेंद्र दिपटे, यश गजानन लवटे, प्रा. प्रेमकुमार बोके, बाळासाहेब गोंडचोर, निलेश देशमुख, डॉ. ठाकरे, सुशिल अभ्यंकर, सुधीर खोडे यांचा समावेश होता.
सोहळ्याची सुरुवात छत्रपती शिवाजी महाराज यांच्या प्रतिमेच्या पूजनाने झाली, ज्यामुळे कार्यक्रमाला सांस्कृतिक आणि ऐतिहासिक अधिष्ठान मिळाले. शहरातील नागरिकांनी उत्स्फूर्त सहभाग नोंदवून दिवाळीच्या आनंदात रंग भरला.
‘सुरमयी दिवाळी पहाट’ फक्त गाण्यांचा कार्यक्रम नव्हता, तर अंजनगाव सुर्जीकरांसाठी दिवाळीच्या सांस्कृतिक आनंदाची अविस्मरणीय पर्वणी ठरली.
